風情事(兼錄於:飲龢食德).還雞自然路

1 則迴響

風情事(兼錄於:飲龢食德).還雞自然路

風情事(兼錄於:飲龢食德).還雞自然路.1

風情事(兼錄於:飲龢食德).還雞自然路.2

風情事(兼錄於:飲龢食德).還雞自然路.3

風情事(兼錄於:飲龢食德).還雞自然路.4

風情事(兼錄於:飲龢食德).還雞自然路.5

風情事(兼錄於:飲龢食德).還雞自然路.6

 

廣告

香港風情事.和平求直選,唔係鬥戾氣

發表留言

香港風情事.和平求直選,唔係鬥戾氣

羅馬格里曆.2014年10月2日(星期四),夜晚11點40分至11點52分。

(註:「10月2日」乃「農曆.甲午年九月(大)初九日」。但農曆,過「子時」——即「11PM」,為後一日。故「當時」已係初十日。)

HKSARG(香港特別行政區)行政長官「梁振英」,派:政務司「林鄭月娥」、律政司「袁國強」、政制及內地事務局長「譚志源」(合稱:政改三人組),負責同「學聯」(香港專上學生聯會),商議「政改」。

原以為,政府唔會讓步、卻讓咗一步。你話風度也好,策略也好,「學聯」應赴會。若傾唔掂,再諗點做。

但不應因「旺角暴徒」犯「和平市民」,就唔同「政改三人組」傾。

第一,「和平求直選」以和平為原則、前提。而家政府,以和平方式,邀請會見,點解唔見。

第二,「旺角暴徒」,與「政改雙會」,並非因果關係。兩事應分開處理——既要追究暴行,亦要見「三人組」。

第三,傾唔掂,係HKSARG嘅問題。「學聯」唔赴會,就變咗「學聯」嘅問題。

唔明點解,市民焦點,變咗喺條路度;而唔係原先嘅「直選方案」。唔通香港,仲未戒除「中土.皇帝政治」,純粹鬥氣,無法講理,嘅「民族DNA」式嘅、惡劣傾向。

風情事.偉大光明「中共黨」及「沙俄」皇帝「普京」

發表留言

風情事.偉大光明「中共黨」及「沙俄」皇帝「普京」

搜尋字詞:中共、沙俄、普京、米索不達、偽宗教、暴徒、奧巴馬、歐陸、BRITISH、Margaret Thatcher

1

 

2

 

香港風情事.盧吉道圖書館

發表留言

香港風情事.盧吉道圖書館

  位於香港島,太平山,盧吉道,27號、嘅一座建築,暫計劃改為酒店。

  但盧吉道只係一條、闊約1.8米(meter)嘅路,又畀人行,又畀車行。稍有常理,都知唔得——啲車必會撞到人。點做酒店啊?

  卻有啲人認為,做酒店至係唯一能保存其歷史價值。據此邏輯,點解又唔做圖書館呢?

  因為圖書館之氣氛,更能映襯其歷史外觀,加埋半山林木之清幽寧靜,兼俯覽維多利亞港之風情,乃閱書聞空之佳境。

  若然係都要做酒店,只曝露其不知歷史與文化之緣。為何惹人譏笑,我唔明囉!

風情事.台山EPR.法國佬靠害

發表留言

風情事.台山EPR.法國佬靠害

  位於廣東(CANTON,not Canton)台山(Toi Shan)嘅「台山EPR(European Pressurized Reactor)核電廠」,隱患危險(點危險法?請閱者自行搜尋)。

  台山EPR核電廠,由法國AREVA公司負責。雖則普遍感覺,以為「法國」多數係好嘢,但今鋪真係唔講得笑。皆因距離香港甚近。

  若然出事,香港700多萬市民,危危乎已。

  法國佬如此靠害,HKSARG(香港特別行政區政府),理應宣佈,法國係最終避難地。

  有問:有乜理由係法國?
  
  答曰:法國草擬緊嘅「文化稅」,其立法原意係——國債太多(截至2013年10月之報導,法國國債欠款:約191220億港元。法國居民約有6600萬。),就藉機收稅。

  但,香港無法向法國政府,收「核輻射稅」(或「放射線稅」)。咁唯有以法國,做收容避難所。

  況且,1970年代至1990年代,香港收容越南船民,聯合國至今,仍未找數。既然係咁,就以「法國收容」,當作補償。

  香港主權交接前,英國唔畀香港人英國國籍;而今(讀音:依家),竟然「可能」全香港700幾萬人,「會」避走法國。真係詼諧。

  並
誠意話畀法國駐香港領事館知

香港風情事.愛國愛民

發表留言

香港風情事.愛國愛民

  羅馬格里曆.2013年6月4日(星期二)夜晚,於香港維多利亞公園,悼念的「六四燭光會」,前夕之際——同年嘅5月,香港網絡湧現爭論:有些市民會去;有些因其主題而唔去;有些更覺得,去,係認同該主題。

  而今年主題係:「愛國愛民,香港精神,平反六四,永不放棄」。那些「唔去」的人,或「叫人唔去」的人,見標題而反感,覺得「去」的人,等於認同「中華人民共和國」(共產黨政權),及其統治的內地居民。

  他們的反應很奇怪。何以一見「愛國」「愛民」,就只解釋做「擁戴中共,同埋劣民」?若果他們覺得「去」的市民,必定係「擁共」;那麼,他們將「愛國」「愛民」,解讀成「擁共」,何嘗唔係「擁共」的反應——因為全球約有200個國,他們卻先選「中共」,再認定「去」的人「擁共」。他們顯露的,正係2200多年前,秦朝(皇帝國)奉行的法家思想,的代表——「韓非」(男),曾記述的一則故事「自相矛盾」。而法家思想,又係造成他們痛恨的黑暗政治的惡因,但他們又以法家思想,目的假設他人「擁共」;難怪自、秦朝.始皇帝.「嬴政」起,至今的「中國政治」,惡業循環lu(lu,擬聲字)。

  他們即反駁:「愛國」「愛民」不是旨「中共」,還可以旨甚麼呢?

  哈哈!愛國愛民,邊個會愛國愛民?諗起「聯合王國」女王,「伊利沙伯二世」。愛國,以佢嘅謹言慎行,維持君主立憲制,係愛國。愛民,見唔到佢濫用王權,殘害國民,相信係愛民。

  香港仍然係自由,同崇尚自由之境。去唔去燭光晚會,亦係人嘅自由;表達去唔去嘅睇法,又係人嘅自由。

  但將「去」同「唔去」,變成「二分敵對思維」,絕非自由之相,而係「法家思想」。

  好學唔學,惡劣嘅就學到足,兼變本加厲,形成污穢漆黑的「中國政治」。唔知今年嘅燭光,明亮定黑闇?

suspended coffee.中文廣府話譯名

發表留言

suspended coffee.中文廣府話譯名

  先瞭解吓,「suspended coffee」所謂何事——歐洲有人實踐,惠顧咖啡店時,多畀一杯或多杯的咖啡錢。多出的「咖啡」名額,咖啡店會累計。當有露宿者,入店詢問「免費咖啡名額」:若有,則他可免費飲一杯。此乃「suspended coffee」之意。

  因此,中文廣府話譯名,可以係「免費咖啡名額」,或「名額咖啡」。

  又有譯為「待用咖啡」。音意不準確,易惹誤會。

  憑發音:「待用」,以為係「代用墨水」之類。又因為有「代糖」等人工化學物質。「代用」咖啡不就是人工化學……諗到都唔敢飲。

  仲有,若有人幫「貝親」(一個字嚟架,但電腦字庫出唔到)一杯咖啡,細意品嚐。只要未飲完,嗰杯啡,都仲係「待用咖啡」。

  所以,「名額咖啡」,或「免費咖啡名額」,較易理解。

Older Entries